recent
أخر الأخبار

اعلان العاصمة الادارية الجديدة كريم عبد العزيز

 

اعلان العاصمة الادارية الجديدة كريم عبد العزيز
الفنان المصرى كريم عبد العزيز


اعلان العاصمة الادارية الجديدة كريم عبد العزيز

 

قدم الفنان كريم عبد العزيز اعلان ترويجى للعاصمة الإدارية الجديدة، ولقد تميز الاعلان بالروعة والتميز والمشاهد الحية من ارض الواقع مما أثار اعجاب الكثير من المصريون.

 

أشار كريم عبد العزيز فى الإعلان أنه العصمه الادارية حياة جديدة لكل إنسان مصرى.

 

كما أشار إلى التخطيط والتطوير الهائل بالعاصمة الإدارية الجديدة، مؤكداً على أنه يجب على كل مصرى ان يفتخر بما وصلت إليه العاصمة الإدارية والتى ستكون من اهم وأكبر المدن على مستوى العالم.

 

كما ذكر الفنان كريم عبد العزيز أنه سيتم نقل الوزارت والمؤسسات والخدمات الحكومية والشركات والبنوك والفنادق والسفارات إلى العاصمة الإدارية الجديدة.

 

بالإضافة إلى المدارس والجامعات والبرج الأيقونى أطول برج فى إفريقيا والحديقة المركزية وغيرها.

 

وأيضاً الخدمات الالكترونية فى كافة المصالح والمؤسسات، مع الاهتمام بالنوادى الرياضية والمدينة الرياضية الأوليمبية ومدينة الثقافة والفنون ودار الأوبرا الجديدة والتى ستكون على مساحة 100 فدان وسوف تكون أكبر دار أوبرا فى الشرق الأوسط.

 

كما نوه الفنان كريم عبد العزيز إلى سرعة إيقاع العمل فى العاصمة الإدارية الجديدة .

 

 

نص اعلان العاصمة الإدارية للفنان كريم عبد العزيز :

 

مصر حقيقى بلد كبيرة

بلد التاريخ بلد الثقافة والفنون

بلد ال مية مليون

مية مليون جدع وابن بلد

بيحبوا بلدهم وبيحبوا اللمة

بنحب اللمة زي عنينا

لدرجة إننا سابين أرض الله الواسعة

وعايشين كلنا فى حتة أد كدة

بس لما المتر فى القاهرة يكون شايل 50 مواطن

هنروح فين تانى ؟!

أنا أقول لكم نروح فين

هنيجى هنا كلنا

فى العاصمة الإدارية الجديدة

لو جيتوا هنا وشوفتوا إللى أنا شايفه

هتعرفوا حجم الإنجاز وهتفتخر

مفيش مصرى ملوش مكان هنا

العاصمة الإدارية لما تكمل هتبقى من اكبر وأهم المدن فى العالم

بجد مش ببالغ

بص على التصميم والتخطيط

هتعرف فى كام سنة المكان ده هيبقى شكله إيه

كل حاجة موجودة هنا

ما هى عاصمة ؟!

البرلمان المصرى هيبقى هنا

الوزارات هتتنقل هنا

المصالح الحكومية كمان هتبقى هنا

مجهزة بأحدث تكنولوجيا عشان مفيش حد يتعطل

السفارات كلها جايه هنا

البنوك .. الشركات .. الفنادق .. النوادى .. المطاعم

كل حاجة متخططة

كل مصرى معمول حسابه

اللى بيشتغل .. اللى عنده بيزنس .. الى لسه بيدرس

اللى بيبدأ حياة جديدة

اللى عايز حاجة جلوة لولاده

هيلاقى البيت المناسب

هنا الحياة اللى كلنا بنحلم بيها

العاصمة الجديدة هتبدأ كبيرة

أكبر حديقة مركزية

والبرج الأيقونى أكبر برج فى إفريقيا

مدينة رياضية أوليمبية

أكبر الجامعات الدولية والمدارس هتفتح هنا

على فكرة اللى بتكلم فيه ده مش هياخد سنين

الناس هنا بتشتغل ليل نهار مبيناموش

ومصدقين فى اللى بيعملوهم وفخورين بيه كمان

مراحل كتير هتبقى جاهزة للتسلم خلال شهور

هتقولى بس دى لسه عليها

هقول لك أكبر مدن فى العالم النهاردة

كانت فى الأول إيه ؟!

وشوف بلدنا فى زمن قياسى بقت إيه

ومش معنى إننا بنبنى عاصمة إداريه نفتخر بيها فى المستقبل

إننا ننسى تاريخنا

القاهرة الجميلة هتبقى أجمل وتنور من تانى

وكل شوارعها ومبانيها

ولما نبنى عاصمة جديدة لازم نبنى حاجة تليق بينا

وتليق بمصر

لأن مصر حقيقى كبيرة

 

شاهد فيديو إعلان كريم عبد العزيز للعاصمة الإدارية بجودة عالية من هنا

 

 

 

الكلمات الدلالية:

اعلان العاصمة الادارية كريم عبد العزيز      اعلان كريم عبد العزيز العاصمة الادارية      اعلان العاصمه الاداريه كريم عبد العزيز     تحميل       اعلان كريم عبد العزيز العاصمة الادارية الجديدة            Mp3 Mp4

google-playkhamsatmostaqltradent